सुचना

राष्ट्रिय बहिरा महासंघ नेपाल, नेपालका सुनाई सम्बन्धी अपाङ्गता भएका बहिरा व्यक्तिहरुको छाता संगठनका रुपमा कार्यरत राष्ट्रिय स्तरको संस्था हो । हालैको भोटेकोशी बाढीबाट प्रभावित रसुवा, नुवाकोट, धादिङ लगायतका जिल्लामा प्रभावित बहिरा व्यक्तिहरुले साङ्केतिक भाषाका दोभाषे सेवाको अभावमा राहत, सेवासुबिधा, पुनर्स्थापना, तथ्यांक संकलन लगायतका कार्यक्रम एवं सुचना तथा संचारमा पहुँचवाट वन्चित हुनुपरेको छ । तसर्थ, रसुवा, नुवाकोट, धादिङ लगायतका जिल्लामा बाढी प्रभावित बहिरा तथा श्रवणदृष्टि विहीनता भएका व्यक्तिहरुलाइ आवश्यकता अनुसार सेवासुबिधा, कार्यक्रम, तथ्यांक संकलन, पुनर्स्थापना प्रक्रियामा सहयोग पुर्‍याउने, सरकारी सहायता तथा सेवामा संचारमा पहुँच सुनिश्चित गर्न समन्वय, सुचना तथा संचारमा आवश्यकता अनुसार सहजीकरण गर्ने उद्देश्यले एक जना नेपाली साङ्केतिक भाषा दोभाषे आवश्यक परेको हुँदा देहायबमोजिमको योग्यता पुगेका इच्छुक नेपाली नागरिकहरूबाट दरखास्त आह्वान गरिएको छ ।

१)  पदसम्बन्धी योग्यता :

पुनश्च, अपाङ्गता क्षेत्र विशेष गरि बहिरा तथा श्रवणदृष्टि विहीनताका क्षेत्रमा काम गरेको वा विपद् प्रतिकार्यमा काम गरेको अनुभवलाई विशेष प्राथमिकता दिइनेछ । राष्ट्रिय बहिरा महासंघ नेपालले समावेशितालाई विशेष महत्व दिन्छ । तसर्थ, योग्यता पुगेका सुनाई सम्बन्धी अपाङ्गता भएका व्यक्तिका अभिभावक, महिला, मधेशी, मुस्लिम, दलित तथा पछाडि परेका तथा सीमान्तकृत समुदायका व्यक्तिहरुलाई दर्खास्त पेश गर्न महासंघ प्रेरित गर्दछ ।

राष्ट्रिय बहिरा महासंघ नेपाल आफ्नो कार्य क्षेत्रमा पर्ने बालबालिका तथा जोखिममा पर्न सक्ने व्यक्तिहरु तथा संस्थामा आबद्ध कर्मचारी र सरोकारवालाहरुको सुरक्षालाई उच्च प्राथमिकतामा राख्दछ । तसर्थ, छनोटमा परेका उम्मेदवारहरुको यस सम्बन्धमा उच्च प्रतिबद्धता र यस पूर्व कुनै सुरक्षा उल्लंघनको घटनामा संलग्न नभएको पूर्ण रुपमा सुनिश्चित गरिनेछ ।

छोटो सूचीमा परेका उम्मेदवारहरुलाई मात्र छनौट प्रक्रियाका लागि सम्पर्क गरिनेछ । प्रस्ताव परेका कुनै वा सबैलाई छनौटमा राख्ने वा नराख्ने विषयको निर्णय गर्ने अधिकार महासंघमा निहित हुनेछ ।

यस सम्बन्धमा टेलिफोनमार्फत सोधपुछ नगर्नुहुन अनुरोध गरिन्छ ।